चैत्र -११ मध्यपुर थिमिमा सक्रिय संस्था ओस्ला नेपालको आयोजना तथा मध्यपुर थिमि नगरपालिकाको सहयोगमा यस बर्ष पनि मध्यपुर थिमिमा उपत्यका ब्यापी धिमे बाजा प्रतियोगिता हुने भएको छ । चैत्र २६ गते मध्यपुर थिमिको वडा न ४ मा उक्त कार्यक्रम सम्पन्न हुने भएको हो ।
संस्थाले उपत्यका भरीका बिभिन्न बाजा खल:, पुच, क्लब, संघ संस्थाहरुलाई प्रतियोगितामा सहभागिताको लागि सुचना जारी गरेको छ । प्रतियोगितामा सहभागिता जनाउन चाहने समुहले २३ गते भित्र संस्थाको कार्यालयमा नाम दर्ता गरीसक्नु पर्ने जनाईएको छ । ओस्ला नेपालले गत बर्ष पनि उपत्यका ब्यापी धिमे बाजा प्रतियोगिता आयोजना गरेको थियो । गत बर्षको प्रतियोगितामा लुं ज: धिमे खल: कमलबिनायकले प्रथम स्थान हासिल गरेको थियो ।
